Albert J Kona

Katekizmi I Par P r F mij Albert J Kona

Në letrën e tij drejtuar Galatasve, Pali shkruan: "Ai që merr mësim në fjalën, le ta bëjë pjesëtar të të gjitha të mirave të tij atë që e mëson"(Gal. 6:6). Fjala greke për "Ai që merr mësim" është katekoumenos, "ai që katekizmohet." E thënë ndryshe, Pali tha, "Ai që katekizmohet në fjalën...." Pra, Pali flet për një trup doktrine të krishterë (katekizëm) që i mësohet dikujt nga një instruktor (këtu fjala katekizmues). Ky instruktim ishte gojor, dhe bëhej përmes pyetjeve dhe përgjigjeve. Kjo ishte një metodologji e njohur instruktimi si në popullin e Perëndisë në Dhiatën e Vjetër, por edhe në kishën e apostolike në Dhiatën e Re. Më vonë, kjo metodë mësimdhënie dhe përçimi i doktrinës apostolike, si dhe i pasazheve e vargjeve biblike, u bë forma kryesore, standarde dhe efektive e instruktimit të një kontinenti të tërë që po vinte tek Krishti. Nëse e ripërdorim këtë praktikë biblike në kishat tona sot, ne do të gjejmë përsëri Fjalën e Perëndisë të banojë në ne me begatinë e vet (Kol. 3:16), sepse praktika e kaketizmimit e merr të vërtetën biblike dhe e rrënjos atë thellë në zemrat tona.